Myrto Uzuni kthehet nga Spanja pa gol, përpara se ti bashkohet teknikut Sylvinho, duke humbur derbin shqiptar në La Liga. Feston Vedat Muriqi e Mallorca, edhe pse qendërsulmuesi kosovar nuk shënoi në fitoren 1-0 të vendasve. Granada mbetet e parafundit me 14 pikë dhe gjërat duken të vendosura me zonën e shpëtimit tani 10 pikë larg. Mallorca në anën tjetër ngjitet në kuotën e 30 pikëve, duke u qetësuar në vendin e 14.
Uzuni nuk po arrin dot të ndihmojë skuadrën e tij në këtë sezon në La Liga. Beratasi, që u bë shënuesi më i mirë në sezonin e kaluar në Segunda, sidoqoftë mbetet shënuesi më i mirë i Granada. Sulmuesi i kombëtares shqiptare është edhe lojtari që godet më shumë portën kundërshtare me 22 tentativa në këtë kampionat. Një shans të tillë Uzuni e ka humbur edhe në sfidën me Mallorca, kur goditja me kokë e tij u ndal nga portieri serb Rajkovic. Nervat Uzuni i nxorri duke goditur shtyllën me shkelm, përpara se të zëvendësohej në minutën e 72′.
Lexo më tej: Video/ Super Uzuni, dygolëshi i parë në La Liga: beratasi nuk mjafton, Sociedad përmbys Granadan në fund
Muriqi, në anën tjetër, nuk shënoi, me ndeshjen që u vendos nga Raillo në minutën e 85′. Kosovari qendroi në fushë gjatë gjithë ndeshjes dhe mbetet një pikë referimi e Mallorca, pavarësisht vetëm 5 golave të shënuar. Muriqi ka në shifrat e tij edhe 2 asist dhe ka shenjstruar 18 herë portat kundërshtare këtë sezon, i dyti për ishullorët pas Larin.
Myrto Uzuni’s header is saved by Predrag Rajkovic 🧤🇷🇸pic.twitter.com/GG1INuM4Fw
— LaLigaExtra (@LaLigaExtra) March 16, 2024