Granada ka mundur 2-0 Deportivo Alaves, por situata mbetet dramatike në renditje, me misionin shpëtim gjithnjë e më të vështirë. Tre pikët e fituara në javën e 31 të La Liga nuk e ndihmojnë shumë skuadrën ku luan Myrto Uzuni, që është e parafundit me 17 pikë, -9 nga zona e shpëtimit. Sulmuesi i kombëtares Uzuni në këtë pikë po mundohet të marrë maksimumin nga ky sezon, për të patur një të ardhme ende në La Liga.
Uzuni në fakt ka shënuar golin e parë të ndeshjes kundër Alaves, duke shëndrruar një 11 metërsh në minutën e 9′ të sfidës. Beratasi është treguar i ftohte përballë portierit, që edhe pse e ka kuptuar krahun, nuk ka mundur të ndalë dot goditjen e 28 vjeçarit. Uzuni shënon kështu golin e 10 me Granada në La Ligë dhe arrin në dopio shifra në sezonin e parë në kampionatin elitar në Spanjë.
Lexo më tej: Manaj, Cikalleshi e Muçi me dopio shifra, Uzuni i ndjek: goleadori më ‘i dobët’ kuqezi është Broja
Granada pastaj ka shënuar edhe golin e dytë me Boyé, në asistin e
Ruiz, duke mbyllur ndeshjen në minutën e 38′. Granada është në vendin e 19 me 17 pikë pas 31 javësh, 9 pikë pas Celta Vigo, që përfaqëson zonën e shpëtimit me 28 pikë.
🇪🇸 Goal: Myrto Uzuni | Granada 1-0 Deportivo Alavéspic.twitter.com/AsiQJ1s3Up
— FootColic ⚽️ (@FootColic) April 14, 2024