Një aksident i rëndë është regjistruar në Itali, ku një mjeti tip “BMW” mori flakë pas përplasjes duke i marrë jetën dy të rinjve shqiptarë. Mësohet se një nga viktimat është 23-vjeçari Marin Kola me origjinë nga fshati Troshan në Lezhë.
Kola kishte shkuar gjatë ditëve të fundit në Itali, pasi pjesën më të madhe të kohës qëndronte në Shqipëri. Makina tip BMW e zezë, me të cilën po udhëtonin ka dalë nga rruga dhe më pas është përmbysur. Njëri prej shqiptarëve ka mundur të dalë nga dritarja ndërsa 23-vjeçari dhe një tjetër kanë qenë brenda në mjet ku më pas është përfshirë në flakë duke u marrë jetën. Aksidenti tragjik ku humbën jetën dy të rinjT shqiptarë ndodhi në Via Casilina, mes Colleferro dhe Anagni mbrëmjen e 16 marsit.