Ajo që lexohet në dosjen e hetimeve të SPAK për aferën e kompanisë ‘5D Konstruksion’, nuk është as më pak e as më shumë se ato që dëgjojmë çdo ditë për mënyrën se si paracaktohen tenderat dhe se si shteti vendos kë të bëjë të pasur duke blerë pushtet.
Duke kontrolluar në procedurat e prokurimeve që i janë dhënë kësaj firme, në total të dalin një dyzinë kompanish të cilat marrin pjesë në tendera herë bashkë dhe herë kundër njëri-tjetrit. Përfituesit numërohen me gishtat e dorës dhe ata që nuk janë rrethi i tyre skualifikohen në të gjitha fazat.
Çudia që na krijuan hetimet e kompanisë 5D, lidhet me risinë se në dallim nga skema klasike që kemi dëgjuar, drejtorët nuk merrnin përqindje në tendera por ia çonin të gjitha paratë firmës së tyre.
LEXO ME TEJ:
Përgjimet/ A ishte Erjon Veliaj pronari i vërtetë i kompanisë “5D”?
Është naive që çdokush në këtë vend të besojë se ata që sot punojnë në poste drejtuese në administratë rropaten për të mirën e popullit, dalin lypin vota ditë e natë në fushatë dhe kënaqen me një pagë që në rastin më të mirë nuk kalon 1.200 euro. Me pagat që sot ka shumica e institucioneve publike, ai që kërkon të pasurohet me dinjitet ose kalon në sektorin privat ose largohet nga ky vend.
Naive është po ashtu të besohet se kryebashkiaku Erion Veliaj nuk ka ditur gjë për këtë aferë. Përgjegjësia e parë ka të bëjë me rolin e tij si titullar i Autoritetit Kontraktor në 8 procedura ku fitues ka qënë kompania ‘5D Konstruksion’. SPAK ka vërtetuar se pronarë janë drejtorët më të rëndësishëm të Bashkisë Tiranë dhe njerzit e afërt të tij. A duhet hetuar nëse ka patur dijeni për konfliktin e interesit, njësoj siç është hetuar roli i ish-ministrit Ilir Beqaj te dosja e ‘Sterilizimit’?
Së dyti, titullari i Autoritetit Kontraktor është personi i cili cakton njësinë e prokurimit, antarët e Komisionit të Vlerësimit të Ofertave, shpall fituesin dhe lidh kontratën. Po ashtu, në 3 raste Erion Veliaj është njoftuar me shkresë nga operatorët pjesëmarrës në tender për ankesa që kanë patur për skualifikim të padrejtë.
Sekrete nga dosja e drejtorëve të arrestuar të Veliajt (faksimilet)
Natyrshëm lind pyetja: A është Erion Veliaj ai që lexon ankesën dhe cakton antarët e Komisionit të Shqyrtimit të Ankesave? Si ka vepruar ai në rastin që disa kompani e kanë njoftuar se oferta e tyre më e ulët, që mund t’i kursente para bashkisë dhe qytetarëve është skualifikuar padrejtësisht? Përse komisioni i ankesave i ngritur prej tij, nuk konstatoi shkeljet që gjeti SPAK në këto procedura?
Përgjegjësia e tretë është morale. Përse Veliaj nxitoi të mbështesë drejtorët e tij dhe të ‘duartrokasë’ kallzimin që ata bënë për shpifje pas denoncimit të kandidatit të PD në zgjedhjet lokale? Përse nuk ngriti një audit, nuk ushtroi një kontroll, nuk premtoi hetime?
A duhet të kërkojnë falje çingijet që bënë thirrje për të votuar Veliajn?
Këtë histori sido që ta kthesh, të gjitha rrugët të çojnë te konkluzioni se ose përfitimet e paligjshme janë bërë me bekimin e tij, ose institucioni që ai drejton ka rënë në të gjitha instancat. Në rastin më të keq është bashkëpunëtor dhe në rastin më të mirë është i paaftë për të drejtuar bashkinë!
♦Marrë nga Facebook i autores Ola Xama
Pse, ta merr mendja ty se i kalon gjilpera velines pa marre vesh gje? Po ai nuk foli 2 vjet me Maznikun per nje apartament, derisa i rilidhi bashkepunimi per te vjedhur me shume. Nga ana tjeter bumi i ndertimeve dhe jeta e shfrenuar e luksit e ka nje burim dhe sigurisht qe ai nuk mund te jete biznesi i ndershem ne nje vend ku nuk prodhohet praktikisht asgje. patjeter qe do jene parate e krimit dhe korupsionit. I vetmi diskutim qe duhet te behet eshte si shpjegohet qe e kane bere kaq hapur, kane qene te sigurte qe nuk i gjen gje apo jane aq te paafte e te panivel sa nuk dine te rregullojne as 2 letra. Dhe a ka kush nje propozim per zgjidhje?
zgjidhje ka dhe jane shume te thjeshta, por populli vezhderr mendon se do i vije shpetimi nga qielli, zoti, amerika, ridhjerja apo edhe nga enveri pertej varrit
zgjidhja eshte shume e thjeshte , mos voto hajdutet, jepja opozites, po ste pelqeu opozita jepja vetevendosjes ne shqiperi, po ste pelqeu VV jepja atyre qe bojn si opozitare endri shabanit nisma thurrjes, jepja arlind qorrit, apo atij talentit te madh adriatik lllllapajt, mor po jepja edhe atij jenisherit me biciklete pa shale sepse cilido qe te vije eshte me i mire dhe shume here me pak i rezikshem sesa ridhjerja e ramutit