Video/ Tottenham ngec në derbi, West Ham i rrëmben barazimin: Broja në tribunë, Fulham thyhet në Nottingham

Java e 31 e Premier League u hap me një mbrëmje plot barazime. Derbi mes West Ham dhe Tottenham përfundoi 1-1, me Hammers që ekuilibruan golin e Johnson (5′). Zouma barazoi rezultatin në minutën e 20′. Newcastle nuk e shfrytëzoi këtë situatë, të ndalur nga Everton (1-1). Asnjë fitues as mes Burnley dhe Wolverhampton (1-1), feston Nottingham Forest me një 3-1 ndaj Fulham, që e ngjit +3 ndaj të tretit nga fundi. Broja sërish i pagrumbulluar, por këtë herë sulmi i teknikut Silva e la në baltë. Buzëqesh edhe Bournemouth.

WEST HAM-TOTTENHAM 1-1

Tottenham nuk arriti në vendin e katërt pasi u nda në barazim 1-1 me West Ham në derbin e Londrës, të luajtur në London Stadium. Ndeshja u hap me një shans të madh për Bowen, por pas pak sekondash Hammers e panë veten në disavantazh. Werner frymëzoi Brennan Johnson, të cilit i mbeti vetëm të shtynte topin në rrjetë për 1-0. Porro iu afrua dyfishimit të rezultatit dhe në minutën e 20′, në skenarin më klasik, West Ham barazoi. Bowen shërbeu për Zouma, që shënoi me kokë 1-1.

Lexo më tej: Video/ Arsenal reziston në Etihad e Liverpool shkëputet, Guardiola i pabindur: “Gjithçka ende për tu luajtur”

Pjesa e parë përfundon me një shans për Bentancur, ndërsa në të dytën e mori skenën Vicario. Portieri i kombëtares italiane ndali dy herë Michail Antonio dhe ndihmoi ekipin e tij të kapërcejë momentin e komplikuar. Në fund, Tottenham luajti më mirë, pa arritur të shënojë dhe duke rrezikuar diçka në kundërsulm. Barazimi nuk kënaq askënd: Spurs mbetet i pesti me 57 pikë, -2 nga Aston Villa, Hammers i shtati me 45 pas Manchester United (48).