Britania e Madhe ka vendosur një anije të marinës për të rritur ndihmat përmes Gazës. Ky veprim bashkohet me përpjekjet ndërkombëtare për të ngritur një korridor të ri detar nga Qipro, tha në një deklaratë të shtunën Sekretari i Jashtëm britanik, David Cameron.
“Situata në Gaza është e tmerrshme dhe perspektiva e urisë është reale. Ne mbetemi të përkushtuar për të siguruar ndihmë për ata që kanë kaq shumë nevojë për të”, tha Cameron.
Duke bashkuar përpjekjet me SHBA-në, Qipron dhe partnerë të tjerë, Britania po krijon një rrugë të re të përkohshme në brigjet e Gazës për të marrë ndihmë, sipas Cameron.
Korridori pritet të funksionojë në fillim të majit. Ai do të lejojë dërgimin e tonëve ndihma të kontrolluara paraprakisht në Qipro, sipas Zyrës së Jashtme Britanike. Anija e Marinës Mbretërore është tashmë në rrugë dhe do të punojë në operacione ushtarake dhe civile, të tilla si misione shpëtimi në Mesdheun lindor dhe dërgimin e ndihmave nga Qipro në Gaza.
Zyra e Jashtme është gjithashtu e përkushtuar të ofrojë ekspertizë dhe pajisje logjistike, duke përfshirë kamionë dhe njësitë e magazinimit, dhe deri në 9.7 milionë £ në dërgesa ndihme, thuhet në deklaratë. Duke shënuar gjashtë muaj luftë, Cameron bëri thirrje për një pauzë të menjëhershme humanitare që çon në një armëpushim të qëndrueshëm, dhe gjithashtu përshëndeti hapjen e fundit të kalimit Erez dhe Portit të Ashdod.
CFAR CINIZMI. HIENA PO USHQEN VIKTIMEN.