Me tkurrjen e popullsisë, numri i mjekëve për banorë erdhi në përmirësim vitet e fundit, por sërish Shqipëria renditet e fundit në Europë për këtë tregues, referuar të dhënave të fundit të Organizatës Botërore të Shëndetësisë.
Të dhënat për Shqipërinë, që i takojnë vitit 2020, tregojnë se, numri i mjekëve për 10 mijë banorë është 18.8 në vitin 2020, niveli më i ulët në rang europian dhe në rajon. Pas Shqipërisë, numrin më të ulët të mjekëve për banorë e ka Turqia me 20.4 doktorë për 10 mijë banorë dhe më pas Bosnja me 21 doktorë, e ndjekur nga Mali i Zi me 27.4 doktorë për 10 mijë banorë.
Në anën tjetër, Greqia kryeson listën për numrin e lartë të mjekëve për 10 mijë banorë. Në vitin 2020, ky vend kishte 63.1 doktorë për 20 mijë banorë e ndjekur nga Portugalia me 56,2 mjekë për 10 mijë banorë, Austria me 53.5 mjekë, Norvegjia me 50.9 mjekë për 10 mijë banorë.
Vendet e zhvilluara të Europës kanë mbi 40 mjekë për 10 mijë banorë. Madje edhe Moldavia që është një ndër vendet më të varfra të Europës ka 40.6 mjekë për 10 mijë banorë.
Në rajon, numrin më të lartë të mjekëve për banorë e ka Serbia me 36.7 për 10 mijë banorë.
Në vitin 1990, Shqipëria kishte 13.7 mjekë për 10 mijë banorë, por treguesi u përkeqësua deri në vitin 2016 kur numëroheshin 12.3 mjekë për 10 mijë banorë, si rrjedhojë e emigrimit të lartë në këtë profesion dhe investimeve të dobëta publike në shëndetësi.
Në vitin 2018 treguesi shënoi rritje në 21.5 mjekë për banorë si pasojë e zbatimit të një plani për shtimin e organikës ne entet publike te shëndetësisë dhe nga ana tjetër rënia e popullsisë ka favorizuar përmirësimin e raportit. Mirëpo emigracioni i fortë në këtë grup, sidomos drejt Gjermanisë, e përkeqësoi sërish treguesin përgjatë 2018-2020, i cili arriti në 18.8 mjekë për 10 mijë banorë.
Ekspertët vendas të statistikave të shëndetit pohojnë se vitet e fundit për shkak se popullsia banuese në vend është më e ulët se popullsia zyrtare që raporton INSTAT, të gjitha prevalencat për sëmundjet, duke përfshirë dhe mjekët për banorë janë të pasakta.
Ata pohojnë se, të dhënat e censit nuk duhen vonuar pasi shifra e pasaktë e popullsisë po behët shkak për deformimin e politikave shëndetësorë dhe shpërndarjen e financimeve në sektor.
Gjatë pandemisë Covid-19, Shqipëria u përball me vdekje shtesë ndër më të lartat në Europë, teksa barra e sëmundjeve në rritje për shkak të plakjes së popullsie sugjeron më shumë investime në këtë sektor./ Monitor
Po normale tenderimet monstruoze nuk shkojne ne buxhet per te shtuar mjeket per shqiptaret gjytryma, te cilet votojne dhe perkrahin qeverine e tyre te dashur kriminale!…cfare mbjellin dhe korrin!…albanistanezet
Faleminderit o “gjeni” per komentin tend te “vyer”. Nashti ik e pirdhu se na çave k@4!n
Ky eshte nje shkrim i bere nga gazetar MEDIOKER. Eshte shume e thjeshte te arrihet ne kete konstatim. E para, e di gazetari qe ka bere shkrimin sa banore ka pas ne Shqiperi ne 2023? Jo nuk e di. Po sa banore ka pasur ne 2022 e me radhe ? Nuk e di. Mund te beje nje VLERESIM, por nuk ka mundesi te thote shifer te sakte. Rrjedhimisht analiza qe ben i bie poshte. Fakt mbetet numri i mjekeve qe ka sot sistemi shendetesor shqiptar. Kete po mund ta dije gazetari… dhe qe me nje grafik te numrit te mjekeve ne total, nder vite, pra si ka qene kjo ecuri, kuptohet fare mire, pse ne renditjen qe gazetari merr per reference, Shqiperia here ngrihet e here ulet. Pra ka te beje me emigrimin e mjekeve dhe jo te popullsise. Por kete gazetari/rja MEDIOKER jo vetem qe nuk e kupton, sepse nuk ka kulturen dhe edukukimin e duhur, por ngatarron nje shifer korrekte nga ai raport apo studim me EMOCIONET E VETA