Marciniak anuloi golin e De Ligt, VAR nuk ndërhynte dot. Tuchel: “Këtu ndodh gjithnjë kështu”

Rikthim i çmendur i Real Madrid (një tjetër herë), dygolësh i Joselu në tre minuta por edhe shumë polemika. Gjysmëfinalja e Champions League në Bernabeu mes Los Blancos dhe Bayern Munich nuk zhgënjeu. Nën akuzë është arbitri i ndeshjes Marciniak, fajtor për fishkëllimin shumë herët në minutën e 103’ në zonën e Madridit. Por le të rindërtojmë atë që ndodhi. Top i gjatë i dëshpëruar i bavarezëve, spond me kokë nga Musiala, topi te Muller dhe në fund De Ligt shënoi në zonën e rreptësisë.

Lexo më tej: Video/ Dy gola në tre minuta, Joselu përmbys Bayern në shtesë: Real Madrid në finalen e Champions

Gjithçka ndaloi, megjithatë: arbitri polak i kishte rënë tashmë bilbilit, duke e ndërprerë lojën për një pozicion jashtë loje të pretenduar. Imazhet duket se e mohojnë vendimin e kryesorit. Rudiger duket se e mban Musiala në lojë. Megjithatë, për shkak të bilbilit, VAR nuk mund të ndërhynte dhe dëmi është bërë. Protestat e Bayern kundër Marciniak për një sinjalizim të parakohshëm u refuzuan. Siç është praktikë e zakonshme tani, do të ishte e përshtatshme që aksioni të përfundonte dhe më pas të binte bilbili. Në fakt, vetëm në këtë mënyrë VAR-i do të kishte një mundësi ndërhyrjeje. Është gjithashtu e rëndësishme të nënvizohet se lojtarët e Real praktikisht u ndalën të gjithë pas fishkëllimës.

REAGIMI I TUCHEL E DE LIGT

Në fishkëllimën e fundit të ndeshjes, trajneri i Bayern Munich, Thomas Tuchel u tërbua: “Ne jemi të zemëruar, nuk ishte në pozicion jashtë loje dhe është e vështirë për t’u tretur. Gjithmonë ndodh kështu këtu. Vendimi i arbitrit të linjës ishte katastrofik. Në minutën e 90’ arbitri pranoi gabimin duke kërkuar falje. Gabimi i parë ishte i asistentit, pastaj Marciniak nuk duhej t’i kishte rënë bilbilit. Ish-lojtari i Juves, De Ligt, raportoi gjithashtu faljen e pretenduar nga arbitri i linjës në fund të ndeshjes.