Banorët e Xhafzotaj në Durrës, kanë protestuar pasi prej tre javësh nuk kanë ujë të pijshëm në banesat e tyre.
Të grumbulluar në qendër të komunës burra gra dhe fëmijë me karroca e bidona të duar, kërkojnë zgjidhje pasi prej tri javësh janë pa ujë të pijshëm.
Ata shprehen se ujë vjen në depot e Ujësjellësit, por ai shkon në zonat bregdetare për shkak të nisjes së sezonit turistik, duke e lënë ata pa ujë.
Banorët kërkojnë zgjidhje nga institucionet vendore për situatën e krijuar, pasi rritja e temperaturave vështirëson jetën e tyre.