Jenna Dewan zbuloi së fundmi se ka sjellë në jetë fëmijën e dytë me Steve Kazee.
Vajza e porsalindur e Dewan, Rhiannon Lee Kathryn Kazee, bëri debutimin e saj në Instagram në një slideshow të enjten.
“Që nga momenti që mbërrite, ke sjellë gëzim dhe dashuri të pamasë në jetën tonë…ëmbëlsia dhe bukuria jote ka mahnitur të gjithë familjen tonë,” shkroi Dewan poshtë fotos. “Zemrat tona janë të mbushura me dashuri dhe ne jemi vërtet të bekuar nga prania jote. Mirë se vjen në botën tonë vajzë.”
Aktorja e “Rookie” u bë nënë në vitin 2013 kur ajo dhe bashkëshorti i saj i atëhershëm, Channing Tatum, mirëpritën vajzën Everly.
Ish-çifti janë kujdesur së bashku për vajzën e tyre që nga ndarja në vitin 2018. Divorci i aktorëve të “Step Up” u finalizua vitin e ardhshëm, kohë në të cilën Dewan, kishte vazhduar me Kazee. Dyshja u fejuan në shkurt 2020, një muaj para ardhjes së djalit Callum.
Në janar, Jenna i befasoi ndjekësit e saj në rrjetet sociale me lajmin se foshnja nr. 3 ishte rrugës.
“Mendoni nëse e detyroj @stevekazee të më bëjë serenatë çdo natë, foshnja do të marrë zërin e tij?” shkroi ajo poshtë një videoje.