Lamtumira e Ciro Immobile ka lënë një boshllëk ndoshta të paplotësueshëm në sulm, por gjithashtu ka hapur çështjen e pasardhësit si kapiten te Lazio. Trajneri Marco Baroni dhe klubi të shtunën vendosën t’ia besojnë shiritin Mattia Zaccagni, një zgjedhje që nuk i ka pëlqyer dhomës së zhveshjes. Lojtarët kishin zgjedhur një mes Cataldi e Patric me Marusic si alternativë (për shkak të vjetërsisë në klub) dhe Romagnoli për profil. Lojtarët prisnin një hap prapa nga shoku i tyre i skuadrës, gjë që nuk ndodhi.
Të dielën, Lazio lëshoi një deklaratë për të mohuar prapaskenën e Corriere della Sera, sipas së cilës presidenti Lotito, i përballur me pakënaqësinë e Cataldi, iu përgjigj lojtarit duke e këshilluar atë të marrë shembullin e Akpa Akpro, i cili “gjithmonë angazhohet pa i çarë trapin”.
Lexo më tej: Presidentin e Lazios e zë gjumi në Senat kur flitej për të ardhmen e futbollit: Lotito zgjohet nga De Laurentiis
“Lidhur me atë që u raportua sot nga Corriere della Sera e firmosur nga Elmar Bergonzini, S.S.Lazio do të donte të theksonte se presidenti Lotito nuk foli asnjëherë me gazetarin dhe as nuk i shprehu ndonjëherë deklaratat që u cituan edhe në thonjëza. Kjo është një tjetër përpjekje e disa shtypit për të penguar përgatitjen e Lazio, duke shpikur kontradikta inekzistente. Lazio njofton se do të reagojë ashpër nëse iniciativa të ngjashme që synojnë të japin informacione të rreme do të përsëriten me qëllimin e vetëm për të parandaluar paraqitjen e skuadrës në fillim të kampionatit ”.
REAGIMI I TEKNIKUT BARONI
Trajneri Baroni e justifikoi zgjedhjen e bërë. “Është vendimi im. Unë bëra një mbledhje dhe ia komunikova skuadrës. Unë kam qenë i interesuar të kem edhe një përfaqësim të jashtëm dhe e identifikova te Zaccagni. Para së gjithash sepse ai është i kombëtares dhe e ka përqafuar projektin duke iu bashkuar klubit – shpjegoi ai -. E pastaj ai është një djalë që ka talent dhe përgjegjësi për të mbajtur atë shirit që përfaqëson grupin. Ne folëm për këtë dhe Zaccagni duhet të jetë i aftë, sepse kapiteni nuk duhet të gabojë kurrë në qëndrimin e tij. Jam i bindur se ai është gati për këtë”.
MBËSHTETJA NGA LOTITO
Një vendim i mbështetur 100% nga presidenti Lotito: “Marusic dhe Provedel zgjodhën si kapiten Cataldi? Nuk është skuadra që vendos por Baroni, duke u fokusuar se kush mishëron vlerat e Lazio. Unë nuk kam folur me trajnerin dhe as kam bërë ndonjë fjalimi për grupin. Unë dua të qëndroj jashtë dinamikës së dhomës së zhveshjes. Ne kemi filluar një projekt dhe një cikël të ri, kemi marrë të gjithë njerëzit që nuk mendojnë për të mirën individuale, por për të mirën e kolektivit”.