Halsey zbuloi së fundmi se për pak humbi jetën nga përballja me sëmundjen e lupusit dhe CTCL.
Këngëtarja, përmes një postimi në Tumblr, u tregoi ndjekësve sfidat me të cilët ishte përballur dhe u ndal tek reagimet e disa fansave:
“Fansat e mi janë padyshim më të këqij me mua se me çdo njeri tjetër në planet. S’po flas për të gjithë, sigurisht. Por ka qenë një pjesë e vogël që është sjellë tmerrësisht keq me mua dhe tani duket se shumica thjesht ka ngecur dhe herë pas here thonë se sa më urrejnë dhe sa e keqe jam.
Është e vështirë për mua që të ndërveproj në një hapësirë që s’ka mirësi, simpati, durim, ose sinqeritet dhe mirësjellje njerëzore. Sidomos, pas vitesh fshehjeje nga ndërveprimet prej frikës se do të ndodhte saktësisht kjo gjë. Nuk e di. Për pak sa s’humba jetën”, u shpreh Halsey.
Këngëtarja e “Closer” u rikthye në muzikë me këngët e saj “The End” dhe “Lucky”. “The End” detajon edhe sfidat e saj me shëndetin, ku Halsey këndon: “Kalojnë ca vite dhe mjekët thonë që jam e sëmurë; fillimisht ishte truri im; tani një skelet me dhimbje”.