Disa javë më parë Chris Smalling u largua nga Roma duke vendosur t’i dorëzohej interesimit bujar të arabëve të Al-Fayha. Dje anglezi bëri debutimin e tij në Saudi Pro League, por impakti ishte për tu harruar. Një debutim katastrofik ishte pak të thuhej.
Ndeshja e parë e mbrojtësit anglez në tokën saudite u shndërrua shpejt në një makth. Në humbjen 0-5 të pësuar nga sigurisht jo i papërmbajtshmi Al-Raed, Smalling ishte një protagonist i madh, por në një mënyrë negative.
DEBUTIMI I TURPSHËM I SMALLING
Ndeshja e Smalling mori një kthesë për keq vetëm 6 minuta pas fillimit, kur ai shënoi një autogol fatkeq me një devijim të gabuar, që i dha kundërshtarëve një epërsi të menjëhershme. Më pas, në fillimin e pjesës së dytë, me miqtë që tashmë kishin kaluar me lehtësi 0-3, erdhi edhe kartoni i kuq. Përjashtim direkt (pas kontrollit në fushë) për ndërprerjen e një rasti të pastër shënimi.
Ndeshja, siç u përmend, më pas përfundoi me rezultatin 0-5. Një rekord, duke qenë se është disfata më e rëndë e pësuar ndonjëherë nga Al-Fayha. Skuadra e re e Smalling është tashmë në vendin e fundit të tabelës me zero pikë, me 10 gola të pësuar dhe vetëm një të shënuar. Nuk mund të kishte një debutim më të keq për mbrojtësin anglez…
🏴Chris Smalling in his 🇸🇦 Al Fayha debut:
Own goal ✔️
Red card ✔️
His team lost 5-0, their highest-ever in the #SPL ✔️pic.twitter.com/nitgjpSqSg— BabaGol (@BabaGol_) September 14, 2024