Një 23-vjeçar u gjet i pajetë në Vlorë ditën e sotme në një ndërtesë të braktisur. Policia dyshon se i riu ka gjetur vdekjen nga një mbidozë heroine.
Policia njofton se në pjesën e barkut është gjetur një shiringë. Ngjarja ndodhi në një banesë në lagjen “4 heronjtë”.
Trupi është transportuar në morgun e spitalit Vlorë për të kryer ekspertizën mjeko- ligjore, për të përcaktuar shkakun e saktë të humbjes së jetës.
Familjarët e 23-vjeçarit kishin njoftuar në Polici se ai ishte larguar nga shtëpia.
