Incidenti që ndodhi natën e parë të “Your Face Sounds Familiar” vijon të jehojë në mediat sociale. Përkundër Endrit i cili nuk ka reaguar ende publikisht, por me prezencën e tij në mbledhjen mes artistëve një ditë më vonë, dëshmoi vazhdimësinë në spektakël, vëllai i madh Stefi, po tregon se ngjarja i ka prekur familjarisht.
Pasi shpjegoi në facebook se batutat e Endrit kishin lidhje me shqipërimin e tekstit të Vasco Rossit, Stefi Prifti ka vazhduar me sulmet kundër produksionit edhe në Instagram.
Kështu, vëllai që ka marrë përsipër të bëjë mbrojtjen shkruan: “Lejuan te imitohej@vascorossi por, nuk mund te pranojne as 1/1000000 e filozofise se tij per jeten…!”, shkruan Stefi.
Ndërsa një ditë më vonë, vëllai i madh duket se e ekzagjëroi me ironinë e cila kaloi në kufijtë e talljes. Në dakordësi me postimin e Lolitës, Prifti ripostoi statusin e saj duke shtuar: “E bukura jane mesuar vetem te japin urdhera dhe kurre te degjojne…! Mbase jane mesuar me femije dhe adoleshente qe i "fabrikojne" vete dhe i perdorin si ju do qefi…! Per pjesen e operacioneve nuk me intereson fare…te beje c'te doje”