Pas sulmit në Mançester ku humbën jetën 22 persona dhe u plagosën mbi 50 të tjerë, Shteti Islamik ka marrë përgjegjësinë për sulmin kamikaz. Lajmi u bë i ditur nga agjencia e lajmeve të ISIS, Amaq, ku një anëtar i grupit terrorist tha se ky është vetëm fillimi.
Ndërsa pak orë para sulmit terrorist, një llogari në Twitter paralajmëroi sulmin me hashtagjet #ShtetiIslamik, #ManchesterArena, si dhe flamurin e ISIS në sfond.
Pas shpërthimit kamikaz ku u vranë 22 persona dhe 59 të tjerë mbetën të plagosur, e njëjta llogari në Twitter shkroi: “E harruat kërcënimin tonë?”, dhe pak momente më vonë adresa u fshi.
