21-vjeçarja akuzoi Nelly-n për përdhunim pas 1 jave heq dorë nga akuzat

Një vajzë , e cila ka akuzuar fundjavën e kaluar reperin me famë botërore Nelly për përdhunim në autobuz gjatë turneut të tij muzikor në periferi të Seattle, po heq dorë nga ndjekja e akuzave penale. Avokatja Karen Koehler tha në një deklaratë të premten se klientja e saj dëshironte që të ndalonte hetimin dhe refuzoi që të dëshmojë në gjykatë për shkak se pretendon se nuk ka asnjë shpresë kundër një njeriu të famshëm. Policia e Auburn e arrestoi Nellyn, emri i vërtetë i të cilit është Cornell Iral Haynes Jr, mëngjesin e së shtunës (7 tetor) në autobusin e tij të turneut. Ai u fut në burg për përdhunim të shkallës së dytë por u lirua më vonë po atë ditë. Këngëtari është shprehur se është i pafajshëm dhe këto akuza janë të rreme. Në deklaratën e saj Koehler tha se ne jetojmë në një shoqëri ku një studente kolegji 21-vjeçare nuk mund të ndihet e sigurtë për të ndjekur akuza penale kundër një njeriu të famshëm për përdhunim. Avokatja këmbënguli se ajo kurrë nuk do donte famë apo ‘një qindarkë të vetme nga ai njeri’. “Kush do ta besojë atë. Njerëzit po thonë për të gjëra të tmerrshme që tani. Ajo nuk mund ta pranojë këtë. Ndaj është gati që të mbyllë çështjen,”-u shpreh Koehler.