Skuadra e Pep Guardiola ka siguruar kualifikimin në fazën direkte të Ligës së Kampionëve, pas fitores 2:4 ndaj Napolit në stadiumin “San Paolo”. Golat për Manchester City i shënuan Otamendi, Stones, Aguero dhe Sterling, ndërsa për Napolin shënuan Insigne dhe Jorginho. Pas kësaj fitoreje City ruan vendin e parë me 12 pikë në 4 ndeshje, ndërsa Napoli mbetet në vendin e tretë më 3 pikë duke rrezikuar skualifikimin nga Liga e Kampioneve.