Gjergji Kohila është një prej tre drejtuesve të Policisë së Shtetit për të cilin Prokuroria e Krimeve të Rënda ka lëshuar mandat arresti. Ai mbante detyrën e shefit kundër krimit të organizuar në policinë e Vlorës, ndërsa me origjinë është nga Delvina dhe njëkohësisht nipi i kryetarit të PS-së në Delvinë, Agron Kohila.
LAPSI.al sjell më poshtë një foto të publikuar në rrjetet sociale, ku shihet Gjergji Kohila në shoqërinë e dy të rinjve të tjerë, teksa po festojnë në ‘Factory Club’ në qytetin e Sarandës, lokal nate në pronësi të Klement Balilit dhe ortakut të tij Timo Babi, me të cilin më vonë patën konflikte për administrimin e këtij biznesi.
Gjergji Kohila është shpallur në kërkim, ndërsa dyshohet se mund të jetë larguar jashtë vendit. Deri në vitin 2013 ai ka qenë shefi i antidrogës në Policinë e Gjirokastrës. Më pas u transferua në Vlorë, ku dyshohet si i implikuar në trafikun e drogës me Habilajt.
©LAPSI.al
Doja qe tju informora se Factory eshte ne pronësi të z.Timo Babi Berti Dosti e ka mare me qera 5 vjecare dhe ka lidhje me Klement Balilit ,dhe jane proces gjigjsor per prishjen e kontrates e qirase per arsie mos perputhjen e detirimeve.