Freedom House reagoi pas komenteve të bëra nga Presidenti i Republikës Ilir Meta rreth raportit të publikuar nga organizata. Në reagim për “Zërin e Amerikës”, Drejtori i Komunikimit në këtë organizatë, Robert Ruby thotë:
“Ne inkurajojmë të gjitha palët ta lexojnë të gjithë raportin, i cili përfshin shqetësime të hollësishme rreth korrupsionit dhe kapjes së shtetit në Shqipëri mes aktorëve të shumtë në sferën politike, rreth përparimit të ngadalshëm në krijimin e institucioneve të nevojshme për luftën kundër korrupsionit dhe rreth një kornize të pamjaftueshme për të siguruar pavarësinë e këtyre institucioneve. Freedom House është një institucion jopartiak dhe konkluzionet e saj pasqyrojnë analizat që ajo bën vetë.”
Në raportin e saj vjetor, organizata thoshte se lufta kundër korrupsionit mori një goditje me zgjedhjen e zotit Meta në krye të vendit me votat e Partisë Socialiste. Më herët zëdhënësi i Metës, Tedi Blushi shprehu keqardhje, duke thënë se raporti i Freedom House është keqpërdorur “në funksion të axhendave të njëanshme politike në Shqipëri”.
Si jo fort bindëse më duket të flitet për “përceptime të opinionit publik shqiptar” se cili politikan është, më “i korruptuari”, kryeministri, apo presidenti i zgjedhur prej tij.
Llogjikisht si më i korruptuar në përceptim popullor, duhet të konsideruar kryeministri që ndonëse e paskej marë sinjalin nga “nëdrkombëtaret”, se Meta është politikani më i korruptuar, jo vetëm bëri aleancë qeverisëese për 4 vite me te, por ja bëri peshqesh Shqipërisë si president, këtë njeri “më të korruptuarin”
Ka gjithashtu edhe një qëndrim kontradiktor përsa i përket korrupsionit si dyshim, e krimit të faktuar.
Me akuza politike, nuk ka politikan të Shqipërisë që të mos konsiderohet si “i korruptuar”.
Por në luftën kundër korrupsionit, mundësitë e abuzimeve politike janë të shumta.
Kurse tek krimi ndryshon puna.
Ka politikanë të dyshuar për veprime korruptive, por ama ka mafie kriminale të drogës, që kur mbështetet nga politika, e kalon cakun e korrupsionit e që e ka emrin krim.
Është jo fort e nderëshme që të flitet me pasion për korrupsionin e mundshëm të politikanëve, se a janë pasuruar apo jo me politikën, e krejt tjetër të injorosh faktin se ke përpara një qeverisje që jo vetëm “e lejoi” kanabizimin e gjithë Shqipërise e trafikun e saj gjigand në Europë, por duke filluar që nga kryeministri, ministri i tij i mbrendshëm e gjithë kupola drejtuese e policisë, bashkëpunuan me mafien e drogës.
Nuk ka vërtetë një fakt që kryeministri Rama të ketë bashkëpunuar drejtëpërdrejtë me mafien e drogës, por ama në publik ai është munduar ta fshehë kanabizimin e Shqipërisë deri me marrëzinë e cilësimit të avionëve të drogës, si mushkonja. Dihet tashmë që ai publikisht, ministrin Tahiri që kishte përgjegjesinë kryesore në goditjen e përhapjes e trafikut të kanabisit, e ka quajtur si “ministri më i suksesshëm” i qeverisë së tij, e ndonëse u detyrua ta shkarkonte nga detyra pas akuzave si bashkëpuntor me mafien e drogës, vazhdon që me këmbëngulje ta mbrojë ate nga ndëshkimi nga drejtësia.
Atehere kush është më i “korruptuari”, Meta apo Rama ?
Koment bindes.