KPA ka caktuar sot seancen ndaj ish-kryeprokurorit Adriatik Llalla.
Ky i fundit duhet të paraqitet më 16 maj para Kolegjit të Posaçëm të Apelimit, per të justifikuar pasurinë e tij. Data e seances eshte bere e ditur ne një njoftim te Kolegjit të Posaçëm të Apelimit.
Njoftimi
Kolegji i Posaçëm i Apelimit, bazuar në nenin 65, pika 1 të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” njofton subjektet e procesit si dhe të gjithë personat e interesuar, se ditën e Mërkurë, në datën 16.05.2018, ora 10:00, do të gjykohet në seancë gjyqësore publike çështja Nr.1/2018(JR), datë 27.03.2018, për ankimin që Komisioneri Publik ka bërë kundër Vendimit Nr.2, datë 16.02.2018 të Komisionit të Pavarur të Kualifikimit për subjektin e rivlerësimit Zotin Adriatik Llalla.
Seanca gjyqësore publike do të zhvillohet në ambientet e Pallatit të Kongreseve, në adresën Bulevardi Dëshmorët e Kombit Nr.6, Tiranë.
Trupi Gjykues, përbëhet nga gjyqtarët:
Kryesues i Trupit Gjykues Sokol Çomo
Relator i Çështjes Luan Daci
Anëtar Albana Shtylla
Anëtar Ardian Hajdari
Anëtar Ina Rama
Kjo shpallje bëhet të paktën 15 ditë para datës së gjykimit, në ambientet e Kolegjit të Posaçëm të Apelimit, në ambientet e Komisionit të Pavarur të Kualifikimit. Ky njoftim bëhet gjithashtu në faqen e internetit të Kolegjit të Posaçëm të Apelimit, si dhe në faqen e internetit të Komisionit të Pavarur të Kualifikimit, si dhe, me njoftim individual në të dhënat elektronike të kontaktit të subjektit të rivlerësimit Zotit Adriatik Llalla të deklaruara në Komisionine Pavarur të Kualifikimit si dhe të dhënat elektronike të Institucionit të Komisionerëve Publikë.
do kete sjitur dhe ky fiq dikur