Britania e Madhe, Gjermania dhe Franca do ti qëndrojnë marrëveshjes bërthamore me Iranin, pavarësisht se SHBA u tërhoq ditën e djeshme me vendim të presidentit Donald Trump.
BBC raporton se tre superfuqitë do të punojnë me të gjitha palët e mbetura për ta mbajtur në fuqi këtë marrëveshje.
Edhe Rusia dhe Kina, nënshkruese të marrëveshjes së vitit 2015 kanë deklaruar mbështetjen e tyre.
Irani njoftoi se po punon për të shpëtuar marrëveshjen, pa përfshirjen e SHBA.
“Kam urdhëruar Ministrinë e Jashtme të negociojë me vendet europiane, Kinën dhe Rusinë, javët e ardhshme.”, u shpreh Presidenti iranian, Hassan Rouhani.
Marrëveshja e vitit 2015 e përmbyllur nga Barack Obama bëri të mundur frenimin e aktiviteve bërthamore të Iranit, në këmbim të heqjes së sanksioneve ekonomike nga SHBA, BE dhe OKB.
Lexo më tej nga Lapsi.al:
Trump shokon aleatët perëndimorë, tërhiqet nga marrëveshja bërthamore me Iranin