Arrestohet nga policia italiane “Tito”, një shqiptar që u denoncua nga një shtetas tunizian tek Karabinieret e Modenas, me pretendimin se e kishte rrëmbyer dhe e kishte kërcënuar me armë zjarri. Sipas mediave italiane, shqiptari i kërkonte 800 euro tunizianit, që ia kishte borxh.
“Më jep paratë ose të do të vras. Nuk po bej shaka”,- i ka thënë shqiptari tunizianit e me pas ka nxjerrë edhe një armë zjarri duke ia drejtuar 48-vjeçarit.
Shqiptari i arrestuar ka inicialet L.P, e njihej me pseudonimin “Tito”, ndërkohë që ka qenë i skeduar nga policia e shtetit fqinj për dhunë, kërcënime ndaj zyrtarëve publik, përleshje, shfrytëzim prostitucioni, për rrëmbim dhe grabitje. Tuniziani ka shkuar ne polici pas ngjarjes ku bëri edhe denoncimin, duke i treguar edhe foton e shqiptarit, që më pas u arrestua.