Negociatat, Rama: Punën që kemi këto 12 muaj ta bëjmë pa asnjë të sharë

Ka nisur procesi përgatitor për hapjen e negociatave për anëtarësim me Bashkimin Europian. Në mbledhjen e qeverisë ku i pranishëm është edhe komisioneri për zgjerim Johanes Hahn, Rama tha se puna në këto 12 muaj nuk është e lehtë, por asgje nuk i pengon që ta bëjnë me cilësi.

“Prej sot dhe deri në pranverën e vitit që vjen ne jemi të detyruar ta përdorim me efikasitet kohën dhe të garantojmë një nivel të lartë koordinimi, për të fuqizuar progresivisht të gjitha njësitë kordinuese të procesit të negocimit për anëtarësim në BE. Ne i kemi analizuar resht për resht qoftë rekomandimin e komisionit qoftë konkluzionin e Këshillit dhe jemi të qartë për detyrat. Ashtu sikundër që jemi të vetëdijshëm sepse përderisa arritëm të marrin një rekomandim pa kushte asgjë nuk na pengon që edhe punën e madhe që kemi përpara në këto 12 muaj ta bëjmë me cilësi të lartë dhe ta bëjmë pa asnjë të sharë, kur i themi ne në shqip”, u shpreh Rama.