Sekuestrohen 200 kg lëndë narkotike marijuanë, 4 litër vaj hashashi dhe 1 armë zjarri në Lezhë. Operacioni “Summer storm” çoi në pranga 4 shtetas.
Kapja e tyre u bë në aksin rrugor Fushë Krujë-Mamurras, ndërsa të arrestuarit janë:
– Tofik Koleci, 54 vjeç, banues në Krujë
– Miri ( Ardit) Koleci, 32 vjeç, banues në Krujë
– Mirand Qira, 42 vjeç, banues në Krujë
– Ndriçim Doku, 39 vjeç, banues në Krujë
Nga policia vazhdon puna për evidentimin e personave të tjerë, të përfshirë në këtë veprimtari kriminale.
Në cilësinë e provës materiale u sekuestruan edhe 2 automjete dhe 4 celularë, ndersa materialet procedurale i kaluan Prokurorisë pranë Gjykatës së Shkallës Parë Lezhë për ndjekje të mëtejshme për veprat penale ” Prodhim dhe shitje e lëndëve narkotike’ kryer në bashkëpunim” dhe ” Prodhim dhe mbajtje pa leje e armëve luftarake dhe municionit”.