Ambasada e Britanisë së Madhe dhe ajo e Gjermanisë në Prishtinë kanë reaguar njëzëri për idenë e presidentit të Kosovës Hashim Thaçi për korrigjim kufijsh me Serbinë, duke thënë se një gjë e tillë do të ishte destabilizuese.
Në një reagim për Radio Evropa e Lirë, ambasada britanike në Prishtinë u shpreh se thirrjet për modifikim të kufijve kombëtarë mund të jenë destabilizuese. Më tej, thuhet se qeveria britanike ka qenë gjithnjë e qartë se dëshiron normalizimin e marrëdhënieve mes Kosovës dhe Serbisë, pasi është vendimtar për sigurinë, stabilitetin dhe prosperitetin e të dyja vendeve dhe rajonit në tërësi. Kjo gjë duhet të ndodhë në bazë të njohjes së vendeve të pavarura brenda kufijve aktualë.
“Ne vazhdojmë ta mbështesim dialogun të lehtësuar nga Bashkimi Evropian me qëllim të gjetjes së një zgjidhjeje gjithëpërfshirëse dhe të qëndrueshme me të cilët përfitojnë të dy vendet”, përfundon reagimi.
Ndërkohë dhe ambasada gjermane mban të njëjtin qëndrim në reagimin e saj. Ambasadori Heldt, në Prishtinë, në intervista të ndryshme ka bërë të qartë qëndrimin zyrtar të Gjermanisë lidhur me dialogun për normalizim të marrëdhënieve. Me këtë, qëndrimi i Qeverisë Federale të Gjermanisë është i njohur, thuhet në një deklaratë të kësaj ambasade për Radion Evropa e Lirë.
Heldt është shprehur më herët për mediat e Kosovës, se ndarja e kësaj të fundit dhe lëvizjet e kufijve janë shumë të rrezikshme dhe mund ta destabilizojnë të gjithë rajonin e Ballkanit.
qe i bie vetem leninistet,stalinistet,putinistet dhe vllezrit e erogan e vuqiq jan pro.te gjith qelbesirat si ruqi,i biri i kristaqit rama dhe thaqi jan pro.
Nga kjo del qe eshte propozim ruso-amerikan, sepse Rusia kerkon legjitimitetin e aneksimit te Krimese dhe cdo pevizjeje tjeter kufinjsh dhe levizja e NATO-s per nje baze te re ne Kucove, vetem 300km larg Bondsteel te Kosove
Mos ia vishni kot dyshes Vuçiç-Thaçiç! Kureshtar jam ku arrin Soros ne keto marreveshje…