Organizata ndërkombëtare Reporterët pa Kufij për lirinë e informacionit (Reporters Without Borders) ka reaguar pas sulmit ndaj gazetares së News24 e BalkanWeb, Klodiana Lala.
Në një postim në Twitter të organizatës për Europën thuhet se RSF dënon sulmin me kallashnikov ndaj shtëpisë së gazetares Lala, ndërsa shprehet se autoritetet kanë për detyrë ta mbrojnë atë.
“RSF dënon sulmin me kallashnikov në shtëpinë e Klodiana Lala, një reporterë investigative që mbulon krimin e organizuar në Shqipëri. Autoritetet e kanë për detyrë ta mbrojnë atë dhe të dënojnë sulme të tilla”, thuhet në reagimin e Reporterëve pa Kufij për Europën.
Banesa e prindërve të gazetares Klodiana Lala u bë shënjestër e një sulmi në orët e para të mëngjesit të djeshëm, rreth orës 3:00. Persona ende të paidentifikuar kanë qëlluar me kallashnikov dhe 10 plumba janë gjetur në banesë.
Ngjarja sipas vetë gazetares lidhet me detyrën e saj. Autoritetet në vend kanë reaguar ashpër ashtu si liderët që kanë kërkuar zbardhjen sa më të shpejtë të ngjarjes dhe kapjen e autorëve.
cilat autoritete ato te qelbesires dhe dhjerjes se stalinit RAMA,apo te jashteqitjes se mao LUU ce dunit edvinit.po ky vet i ka derguar se bashku me tahirin,geron e fatmut xhafen.