Vlerësim për vendimet e institucioneve të futbollit, por edhe konstatimi se nuk është respektuar protokolli kundër episodeve të racizmit në stadiume. Ky është pozicioni i FIFPro (Shoqata Ndërkombëtare e Futbollistëve) e Uefa në lidhje me ngjarjet në Inter-Napoli, me koret raciste kundër Kalidou Koulibaly. “FIFPro e Uefa dënojnë me forcë ofendimet raciste ndaj lojtarit të Napolit, Kalidou Koulibaly, të mërkurën e kaluar gjatë ndeshjes së kampionatit në Milano. Të dy organizmat – informon një komunikatë e publikuar në faqen zyrtare të Uefa – duartrokasin masat e menjëhershme të marra nga autoritetet e futbollit italian, që kanë dënuar Inter me dy ndeshje pa tifozë dhe mbylljen e pjesshme të stadiumin për ndeshjen e tretë”.
“Sidoqoftë – shkruhet në komunikatën e Uefa – FIFPro e Uefa janë shumë të shqetësuara për këtë incident të papranueshëm racist e nga ajo që duket si një mungesë e respektimit të protokollit anti-racizëm i ndarë në tre faza. Koulibaly ishte objekt i koreve raciste, e pavarësisht lajmërimeve nga speaker i stadiumit, koret nuk u ndalën. Për më tepër, duket se stafi teknik i Napoli i ka tërhequr disa herë arbitrit për fyerjet që vinin për mbrojtësin e tyre. Të dyja organizatat janë të mendimit se koret raciste drejt Koulibaly, që u larguar nga fusha pas kartonit të dytë të verdhë, janë të papranueshme dhe nuk kanë vend në futboll. FIFPro e Uefa mbështesin autoritetet futbollistike italiane në cdo masë që do të merret për tiu kundërvënë racizmit në stadiume, duke qenë se bëjmë një politike të tolerancës zero”.