Kryesia e Kuvendit të Kosovës ka vendosur që sot në orën 12:00 të mbahet seancë e jashtëzakonshme për 16-vjeçaren nga Drenasi, e cila u përdhunua nga mësuesi dhe më pas edhe polici, te i cili shkoi për të denoncuar.
Albulena Haxhiu nga Vetëvendosje, pas mbledhjes së Kryesisë së Kuvendit tha se me VV dhe LDK kanë kërkuar mbajtjen e kësaj seance të jashtëzakonshme.
Haxhiu u shpreh se kërkojnë përgjegjësi institucionale për rastin e abuzimit të së miturës në Drenas.
E mitura ka shkuar të denoncojë përdhunimin nga mësuesi, por është përdhunuar për një kohë të gjatë përmes shantazhit edhe nga polici.
Efektivi i policisë që akuzohet për abuzimin me adoleshenten është zëvendësshefi i hetimeve i Policisë në këtë komunë, Vesel Veseli. Historia bëhet edhe më e rëndë pasi ka dyshime që ky shtetas të ketë abuzuar gati dy vite me vajzën, madje e ka lënë edhe shtatzënë.
Eshe ne Shqiperi Elvis Ervin Elvin Rroshi ka shtru’nj8 dreke….