Banorët e Unazës së Re kanë protestuar sërish kundër projektit të “Unazës së Madhe”, nga i cili rrezikojnë shembjen banesat dhe pronat e tyre. Në ditën e 99 të protestës së tyre, ata kanë mbjellë pemë duke kundërshtuar në këtë mënyrë shkuljen e tyre, ditë më parë nga policia bashkiake. Pemën e parë banorët e quajtën Ardit Gjoklaj, emri i 17-vjecarit të gjetur të vdekur në landfillin e Sharrës. Ndërkohë me thirrjet e tyre ata shprehen që kryebashkiaku Erion Veliaj s’duhet të guxojë ta prekë.