Pasi tradhtoi Khloe Kardashian me shoqen e ngushtë të Kylie Jenner, Jordyn Woods, basketbollisti i famshëm është kapur mat së fundmi me një tjetër vajzë që sipas “DailyMail” quhet Karizma Ramirez.
Rikujtojmë se menjëherë pasi lajmet e tradhtisë dolën me shpejtësi, 34-vjeçarja i dha duart Tristan.
Mirëpo, si duket edhe nga postimet e publikuara në llogarinë e saj në Instagram, bukuroshja ende nuk e ka marrë veten nga skandali i madh.
Madje ajo ka shpërndarë me ndjekësit e saj edhe problemet që ka me gjumin. Në një postim rrëfente se ora 4 e mëngjesit e gjente zgjuar dhe pa dëshirën më të vogël për gjumë.
Rikujtojmë se Khloe me 27-vjeçarin me të cilin u nda, ka një vajzë, True, e cila së shpejti mbush 1 vjeç.
Dhe si mendoni ju, do e ftojë ajo Tristan në ditëlindjen e së bijës?
Sipas një burimi për “People”, po, do e ftojë.
Ëhë, siç e lexuat! Besojeni ose jo, pavarësisht se ai e ka tradhtuar, ajo do e ftojë atë.
Burimi ka pohuar po ashtu se familja Kardashian është shumë e inatosur me Tristan, mirëpo Khloe po mundohet të gjejë një mënyrë për ta ftuar ish-partnerin.
“Në fund të ditës ajo dëshiron që True të ketë një marrëdhënie të shëndetshme me të dy prindërit”, shtoi një tjetër burim.