Në një operacion anti-drogë të lokalizuar në zonën e Exarchia-s në Athinë, forcat e Policisë greke kanë sekuestruar 155 kg lënde narkotike të llojit “cannabis-sativa”, si edhe kanë vënë në pranga pesë persona, tre prej të cilëve ishin shtetas shqiptarë.
Sipas informacioneve që qarkullojnë në mediat fqinje, operacioni u finalizua në rrugën “Sp.Trikoupi” në Athinë, ku pas kontrollit në një banesë, efektivët zbuluan sasinë e konsiderueshme të drogës.
Në cilësinë e provës materiale, Policia helene sekuestroi edhe 11 mijë e 825 euro, një peshore elektronike dhe 6 celularë.