Diplomati rus Mikhail Krasnoshchekov është shpallur person non grata në Kosovë nga Misioni i Administratës së Përkohshme të Kombeve të Bashkuara në Kosovë (UNMIK) .
Mediat ndërkombëtare shkruajnë se kryeministri i Kosovës, Ramush Haradinaj, e ka shpallur shtetasin rus si “person të padëshiruar në shtetin e Kosovës”. Haradinaj shkroi në “Facebook” se kërkon nga MPJ e Kosovës që rusi të shpallet “non grata” në bazë të “kompetencave kushtetuese dhe ligjore”.
“Krasnoshçevsk urdhërohet të largohet nga territori i Kosovës “për shkak të veprimeve të qytetarëve rusë kundër sistemit kushtetues të Kosovës, vlerave universale humanitare, paqes dhe stabilitetit”, tha Haradinaj. Policia e Kosovës ka kryer bastisje në komunat veriore të territorit më 28 maj, duke arrestuar disa persona, kryesisht serbë për përfshirje në vepra kriminale.
Beogradi tha se 28 vetë u arrestuan, duke përfshirë Krasnoshçevskin, i cili më vonë u lirua dhe thuhet se u dërgua në një spital në Kosovë. Ai u transferua më vonë në Akademinë Ushtarake Mjekësore në Beograd.