Një aksident i rëndë ka ndodhur mbrëmjen e djeshme në aksin rrugor Kukës –Bicaj, ku një këmbësor është përplasur nga drejtuesi i një automjeti të tipit “Mercedes –Benz”.
Sipas burimeve që kanë dëshmuar nga vendngjarja, i lënduari, identiteti i të cilit nuk është bërë ende i ditur ka marrë plagë të rënda dhe është transportuar menjëherë drejt Spitalit të Traumës, ku ndodhet në rrezik për jetën. Po ashtu, mësohet se drejtuesi i automjetit, është larguar duke i shpëtuar ndjekjes së forcave policore.
Ndërkohë, mungon njoftimi procedurial i Drejtorisë së Policisë së Kukësit, që për motive të paditura vijon të mbajë të fshehtë ngjarjen.