Për herë të parë në histori, njëri prej institucioneve të përbashkëta evropiane më të rëndësishme, Këshilli dhe Komisioni Evropian, do të drejtohet me shumë gjasë nga një femër. Kjo prirje e re shpjegohet me rezultatet e zgjedhjeve të fundmajit për Parlamentin Evropian, ku në radhët e kandidatëve të përzgjedhur, vërehet një prani e konsiderushme si kurrë më parë e eurodeputeteve.
Numri i eurodeputeteve është rritur ndjeshëm nga 36 % në legjislaturën e shkuar në 39 % pas zgjedhjeve të tanishme, shifër që konvertohet në 286 vende nga 751 të tilla në total në PE. 11 prej vendeve anëtare të BE-së shtuan kuotat gjinore në këto parlamentare duke bërë që numri i eurodeputeteve të jetë më i lartë madje krahasuar me atë të Dhomës së Komunëve në Britani, ku 32 % e legjislatorëve janë femra.
Sidoqoftë, nga pikëpamja e përfaqësimit të politikaneve, rezultatet e rendisin PE-në pas 16 parlamenteve. Gjashtë nga 28 vendet anëtare të BE-së, mes të cilëve: Suedia, Finlanda, Franca, Sllovenia, Luksemburgu, kanë sjellë numrin më të madh të eurodeputeteve.