Prokuroria Speciale e Republikës së Kosovës ka bërë të ditur se është arrestuar shtetasi me inicalet D.Sh, i cili dyshohet se ka kryer krime lufte kundër popullatës civile në mars të vitit 1999 në Ferizaj.“Personi në fjalë është arrestuar në pikëkalimin kufitar në Bërnjak, tani është dërguar në mbajtje për 48 orë”, shkruhet në njoftimin për shtyp të Prokurorisë.
Gjatë Luftës së Kosovës, më 1998/99, janë vrarë rreth 13,500 persona. Ndëra, më shumë se 1 600 persona konsiderohen ende të pagjetur.