Kryeministri Edi Rama i ka bërë të qarte socialistëve të cilët drejtojnë institucionet e vendit që energjitë që ka harxhuar deri tani edhe në qeverisjen e vendit nuk janë më të mjaftueshme.
Sipas tij niveli i shërbimit që po ofrohet ndaj qytetareve nuk i nderon më socialistët. Për kryeministrit socialistët duhet ta kuptojnë sa më shpejt këtë fakt, pasi në të kundërt qytetarët nuk do tregojnë më mirëkuptim ndaj gabimeve të tyre.
Rama tha se në këto zgjedhje nuk i ftuan se kanë punuar mirë, madje sipas tij shumë gjëra janë bërë keq, por ai tha se socialistët u rreshtuan në anën e duhur të historisë.
“Barra e sfidës shumë të madhe të kurimit të plagës që hapi gjithë gjysma e parë e vitit është e gjitha e jona për momentin, qytetarët e bënë të tyren, e bënë më së miri, në numra që kaluan edhe pritshmëritë më optimiste për mënyrën sesi u zhvillua gjithë procesi, dhe në një numër votash për kandidatët tanë që është një bazë domethënëse për të vijuar më tutje.
Tani është radha jonë të bëjmë tonën… Për të reflektuar, për të investuar në shërbim të tyre, për t’ju përulur, dhe ky është vendi për të përsëritur atë që thash në 30 qershor: në nuk është se fituam një beteje zgjedhore të radhës, por Shqipëria fitoi përgjithmonë luftën për zgjedhjet e të gjitha radhëve, sepse Shqipëria nuk do të shohë më djegie mandatesh, parti molotovësh, bojkot zgjedhjesh, dhe as fronte armiqësore politike kundër të drejtës së qoftë edhe një qytetari të vetëm në ditën e përcaktuar si dita e zgjedhjeve
Ata që e guxuan dhe ndërmorën këtë aventurë, e pësuan jo vetëm për vete por dhe për të gjithë ata që vinë pas, partitë politike, dhe besoj përgjithmonë, por ne nga ana jonë është e rëndësishme ta besojmë deri në fund, dhe ta ngulisim në mendje e gjithë kësaj familjeje politike, që ne nuk fituam ngaqë kemi bërë vetëm punë shumë të mira, as sepse kemi bërë aq sa mjafton, se nuk e mi bërë punë shumë të mira, kemi bërë edhe punë që më mirë të mos i kishim bërë fare, madje ndonjë e kemi bërë edhe keq, por punët e bëra deri këtu nuk mjaftojnë fare pas 30 qershorit
Rendimenti ynë në çdo qark nuk mjafton aspak, dhe sidomos niveli i qëndrimit të njerëzve të zakonshëm në këtë shtete, jo nuk mjafton, por nuk na nderon fare, dhe duhet të na shqetësojë të gjithëve, dhe kjo është gjeja që ne duhet ta kuptojmë dhe të jetojmë çdo ditë me të.
Nëse nuk e kuptojmë sa më parë, aq më shpejt njerëzit do humbasin durimin me ne, dhe janë më pak të pritur t’i mirëkuptojnë gabimet tona, dhe s’do kenë asnjë gatishmëri për të na falur kusuret që deri në 30 qershor na i kanë falur
Ne kemi vetëm një meritë në fitoren historike te shteti dhe qytetarëve, meritën që qëndruam në anën e duhur të historisë dhe bëmë zgjedhjen më të vështirë për të udhëhequr në shtegun më të ngushtë, dhe kjo është meritë e asaj që sipas meje duhet te jete PS, që ditën e fillimit, me ndryshimin që ketë here PS nuk iu shmang mundësisë së përplasjeje sy për sy dhe dhembë për dhëmbë”, tha Rama.
Hahaha super dru. Huqi me shpirti behen njesh. E keqja me shpirtin te eshte bere njesh. Te keqe me te madhe nuk do te gjesh.