• |
ide | kryesore

Reagimi për traktet, PD paralajmëron Pjetrin: Nesër shqiptarët do të mësojnë çfarë është…

Lajme, Të fundit

Dega e Partisë Demokratike në Shkodër i është përgjigjur kryebashkiakut në detyrë, Valdrin Pjetrit, i cili më herët ditën e sotme, reagoi ndaj shpërndarjes së fletushkave me mbishkrimin “Narko-Valdrini jashtë Bashkisë” nga mbështetës të demokratëve.

Pjetri shkrante në një postim në llogarinë e tij në “Facebook” se 4-5 persona në qytetin verior po shpërndajnë trakte për të larguar vëmendjen nga abuzimet shumë-vjeçare të bëra në bashkinë e këtij qyteti. Lidhur me këtë, PD e Shkodrës i bën thirrje Pjetrit të mos shqetësohet nga letrat e qytetarëve, pasi ato nuk e çojnë në burg, por duhet të shqetësohet nga letrat e autoriteteve italiane, që nuk janë trakte dhe që provojnë se është një person i dënuar.

Veç të tjerave, në deklaratën e saj PD-ja e Shkodrës paralajmëron Pjetrit se po shkon drejt greminës “Deri nesër ke kohë për të ëndërruar përralla me qentë e karvanët, që po të cojnë përpara, drejt greminës”!

 

REAGIM I PARTISË DEMORKATIKE, DEGA SHKODËR

Trafikanti i Ramës në Shkodër qenka shqetësuar nga reagimi i qytetarëve të ndershëm të Shkodrës, që nuk pranojnë që qyteti të jetë peng i trafikantëve të drogës dhe përfaqësuesve të krimit të organizuar. Mos u shqetëso nga letrat e reagimit qytetarë, që me urdhër të Edi Ramës i quan trakte. Ato nuk të cojnë në burg!

Shqetësohu nga letrat e autoriteteve ligjzbatuese italiane, QË NUK JANË TRAKTE dhe që provojnë se je një person i dënuar për trafik drogë. Këto letra të ndalojnë të uzurposh zyrën e Kryetarit të Bashkisë Shkodër, të cojnë në burg për fallsifikimin e Formularit të Dekriminalizimit dhe të bëjnë subjekt të menjëhershëm të ligjit Antimafia! Në këtë të fundit nuk të ndihmon dot as Edi Rama, as Tom Doshi, as babai dhe as vëllai.

E kot të të ripyesim a të kujton gjë data 27 Janar 2003, sepse e kemi të qartë që të ka marrë peng Edi Rama dhe nuk të lejon ta kujtosh. E kot të presim për një përgjigje, sepse ti ke vendosur të mashtrosh dhe të fshihesh nga e vërteta njëlloj si Elvis Rroshi i Kavajës!
Prandaj nesër shqiptarët do kenë mundësi të shikojnë me letra (dhe jo trakte) se çfarë është për përfaqësuesin politik të Edi Ramës në Qarkun Shkodër data 27 Janar 2003. Deri nesër ke kohë për të ëndërruar përralla me qentë e karvanët, që po të cojnë përpara, drejt greminës!

 

2 Comments

Lini një Përgjigje

Adresa juaj email s’do të bëhet publike.

Kthehu