• |
ide | kryesore

Këshilltari i Ramës shoqëroi presidentin serb në SHBA? Ish kryediplomati pyet Vuçiç

Lajme, Të fundit

Presidenti serb Aleksandër Vuçiç ndodhet për një vizitë pune në SHBA, por reagimi i ish-ministrit të jashtëm Vuk Jeremiç duket se e ka vënë në siklet shefin e Beogradit.

Vuçiç dhe Jeremiç janë rivalë në politikë, kryesisht sa i përket çështjes së Kosovës.

Vuçiç e akuzon Jeremiqin rreth rastit të GJND-së duke thënë se pikërisht Jeremiç e ka bërë pyetjen skandaloze për Gjykatën Ndërkombëtare të Drejtësisë e cila në vendimin e saj rreth shpalljes së pavarësisë kishte vendosur pro Kosovës.

Ndërsa Jeremiç, muajt e fundit e akuzon presidentin serb se po bën negociata sekrete me Hashim Thaçin dhe amerikanët për dorëzimin e Kosovës dhe ndarjen e saj.

Ndërsa sot, ish kryediplomati serb ka bërë pyetjen e rradhës, e cila e ka vendosur në vështirësi Aleksandër Vuçiçin.

Jeremiç e ka pyetur Vuçiqin rreth takimit në Nju Jork duke i kërkuar përgjigje nëse në takimin me Pompeon ka marrë pjesë edhe ish –Kryeministri Tony Blair, i cili po ashtu shpesh është apostrofuar se është i përfshirë në çështjen e bisedimeve rreth Kosovës pasi tashmë dihet se ai ka raporte pune edhe me Edi Ramën.

Siç dihet Blair pas largimit nga Zyra e Kryeministrit merret me lobim.

“I nderuar Vuçiç, a është e vërtetë se në takimin e djeshëm në Nju Jork me Sekretarin Amerikan të Shtetit ka marrë pjesë edhe Tony Blair? Nëse po, në çfarë tagri – si këshilltar apo si mik personal i juaji, apo këshilltar i Qeverisë së Serbisë? Shkruan Jeremiç në Twitter.

Sipas asaj që raporton vetë Departamenti Amerikan i Shtetit, rreth takimit Pompeo –Vuçiç, shefit të shtetit serb i është kërkuar njohja e pavarësisë së Kosovës si rezultat i ndërsjellë.

Lini një Përgjigje

Adresa juaj email s’do të bëhet publike.

Kthehu