Banorët e Tiranës do të përballen sërish brenda pak ditëve me kufizime të furnizimit me ujë të pijshëm. Ujësjellësi i Tiranës njofton qytetarët se shkak për këtë ndërprerje të përsëritur të furnizimit, është bërë turbullira në ujëmbledhësin e Bovillës, si pasojë e reshjeve të dendura që kanë rënë gjatë mbrëmjes së djeshme.
Thatësira prej më shumë se pesë muajsh dhe intensiteti i lartë i reshjeve prej 115 mm, kanë shkaktuar këtë gjendje në ujëmbledhësin, prej të cilit furnizohet me ujë një pjesë e mirë e qytetit.
Në këto kushte, deri në stabilizimin dhe kthjellimin në ujëmbledhës, UKT-ja u kërkon qytetarëve të tregojnë kujdes me përdorimin e ujit të pijshëm gjatë ditës së sotme.
Sipas inxhinierëve dhe specialistëve në terren, furnizimi normal me ujë do të rinisë në orët e mbrëmjes. “Kërkojmë mirëkuptimin e qytetarëve deri në stabilizimin e situatës së furnizmit me ujë”, shkruhet në njoftimin e UKT-së.
Po sikur eshte dhe Selita, apo eshte per udheheqjen?!
Apo kjo ndodh, kur Tirana eshte kthyer ne Tiranastan.