Momente tensioni të jashtëzakonshëm janë shënuar në Liverpool përpara nisjes së ndeshjes së Champions League, kur disa tifozë të Napoli janë përplasur me policinë lokale. Bilanci i kontrastimeve është me 5 tifozë të napoletanë të arrestuar: tre me akuzën e fyerjeve, një për bastisje e një tjetër është ndaluar në hyrje të Anfield për prishje të qetësisë publike.
Një dëshmitar ka treguar për Liverpool Echo edhe momentet e frikës: “Ishin të armatosur me rripa e kërkonin telashe, kur panë që po filmoja me goditën me shishe. Vetëm ndërhyrja e policisë me kuaj bëri që të largoheshin”. Por përmes profilit në Twitter, policia e Merseyside ka konfirmuar pesë arrestimet e ka saktësuar se asnjë tifoz i Napolit, që shëtiste në rrugët e qytetit, nuk kishte shufra hekuri, apo shkopinj golfi, duke theksuar se ato që mbanin ishin vetëm shkopinjtë e flamujve.
Officers policing the LFC v Napoli CL game have arrested 5 Napoli fans. 3 men were arrested for violent disorder and another was for affray following disorder on Walton Breck Rd before the game. A fifth man was arrested for breach of the peace at the turnstiles on Anfield Road. pic.twitter.com/fLcDEVrtAB
— Merseyside Police (@MerseyPolice) November 27, 2019