“Nuk e mohoj që këtë natë nuk kam fjetur, kam menduar për këtë mbrëmje e nuk mund të ëndërroja mënyrë më të mirë”. Fjalë e lot të Sebastiano Esposito, sulmuesi 17 vjecar i Inter që debutoi nga minuta e parë në Serie A, duke shënuar edhe golin e parë në kampionatin elitar: një penallti e realizuar pasi topi iu dorëzua nga vetë Lukaku. “Sapo pashë mamanë time dhe u preka emocionalisht, goli është për të. Falenderoj shoqërinë e familjen time që më qendron gjithnjë pranë.
Një gol që e bën Esposito shënuesin e dytë më të ri në historinë e Inter në Serie A, pas një miti si Mario Corso: “Shpersoj të vazhdoj kështu. Po marr frytet e punës sime, të shumë panineve që haja para stërvitjeve… por ka ende shumë për të punuar. Penalltia që ma lejoi Lukaku? Ai është një person fantastik, përvec se është një lojtar i jashtëzakonshëm. Më ka thënë të shkoja i bindur tek topi dhe të bëja gol”.
