• |
ide | kryesore

Gjermania dhe Franca kërkojnë rinisjen e dialogut ndërmjet Kosovës dhe Serbisë

-Instant, Arkiva, Lajme, Të fundit

Gjermania dhe Franca kanë kërkuar që dialogu ndërmjet Kosovës dhe Serbisë të rifillojë.

Përmes një artikulli të përbashkët, ministri i Jashtëm gjerman, Heiko Maas dhe homologu i tij francez, Jean-Yves Le Drian kanë thënë se moszgjidhja e çështjes ndërmjet Kosovës dhe Serbisë është faktor destabilizues në Ballkanin Perëndimor.


“Së bashku me Serbinë dhe Kosovën, ne jem të përkushtuar që të zgjidhim të gjitha pengesat e mbetura. Çështjet e pazgjidhura ndërmjet të dyja shteteve vazhdon të mbetet faktor destabilizues në tërë Ballkanin Perëndimor dhe përbën edhe problem për sigurinë evropiane. Për këtë arsye, shtetet anëtare të BE-së kanë dominuar njërin prej diplomatëve më të aftë, Miroslav Lajçakun në postin e të dërguarit të posaçëm për dialogun ndërmjet Prishtinës dhe Beogradit”, kanë thënë dy ministrat.

Sipas Maas dhe Le Drian, tani pasi Lajçak ka marr postin e të dërguarit të posaçëm të Bashkimit Evropian për dialogun ndërmjet Prishtinës dhe Beogradit, është koha që të rinisë ky proces, i cili, sipas tyre, duhet të ketë për qëllim arritjen e një marrëveshjeje që zgjidh të gjitha çështjet e hapura.

“Franca dhe Gjermania janë të gatshme ta mbështesin atë dhe ekipin e tij me të gjithë potencialin tonë politik, diplomatik dhe ekonomik. Në prill të 2019, kancelarja gjermane Angela Merkel dhe presidenti francez Emmanuel Macron ftuan liderët e rajonit në një samit në Berlin. Tani që Miroslav Lajçak ka marrë detyrën dhe është koha që të rinisë dialogu. Qëllimi duhet të jetë arrtija e një marrëveshjeje të qëndrueshme, gjithëpërfshirëse, ligjërisht të obligueshme ndërmjet Prishtinës dhe Beogradit, që zgjidh të gjitha çështjet e hapura dhe i kontribuon stabilitetit të rajonit”, kanë thënë ministrat Maas dhe Le Drian.

Dialogu ndërmjet Kosovës dhe Serbisë u ndërpre në fund të vitit 2018, pasi Prishtina zyrtare vendosi taksën 100 për qind ndaj importeve të Serbisë. Beogradi e kushtëzoi rikthimin në tavolinën e bisedimeve me heqjen e taksës.

Qeveria në detyrë e Kosovës, e udhëhequr nga Albin Kurti hoqi taksën 100 për qind më 1 prill të këtij viti dhe rivendosi masën e reciprocitetit me Serbinë.

1 Comment

  1. Dy ministrat ai gjerman dhe ai francez,do ishte normale,bile edhe e detyrueshe,qe me pare te kerkonin prej atyre vendeve te BE qe akoma nuk e kane njohur Kosoven.Nese nuk kane fuqi,ta bejne kete me shtetet anetare te BE,si do te kene mundesi,te detyrojne dy vende qe nuk jane ne BE,por qe edhe nuk e shikojnee njeri tjetrin,ne sy,sepse Serbia,e njeh Kosoven si pjese te saj,ndersa Kosova,i kerkon Serbise,jo vetem njohjen si shtet,por edhe e akuzon,per krime lufte dhe per te gjitha demet qe i janer shkaktuar prej Serbise.

Lini një Përgjigje

Adresa juaj email s’do të bëhet publike.

Kthehu