• |
ide | kryesore

‘Në kryefjalën e parlamentit ekziston mashtrimi’, Hajdari-Spiropalit: Mos bie në nivelin e shefit tënd

Lajme, Të fundit

Ka patur replika të forta në parlament mes deputetes Rudina Hajdari dhe ministres së shtetit për marrëdhëniet me Parlamentin, Elisa Spiropali.


Hajdari u shpreh se në parlament ekziston vetëm mashtrimi dhe pandershmëria, duke e quajtur hapjen e listave si të tillë.


I ashpër ka qenë dhe reagimi i Spiropalit, e cila i ka kërkuar Hajdarit të provojë veten në votim, duke e sfiduar me frazën: “Hyji detit në këmbë”.

DEBATI

Rudina Hajdari: Koha juaj ka mbaruar, ka mbaruar sot sepse e shikoj në sytë e shqiptarëve, që duan një të ardhme më të mirë në këtë vend. I takoj çdo ditë dhe ndjej në sytë e tyre që koha juaj ka mbaruar. Keni treguar që jeni ata njerëz që në kryefjalën e këtij parlamenti ekziston vetëm mashtrimi dhe pandershmëria. Kjo pandershmëri arriti kulmin, ku PS bërë propozimin për hapje listash, por që nuk ishte e tillë. Edi Rama ishte ai që i pa shqiptarët në sy dhe nga ky Kuvend tha listat do të hapen. Ky mashtrim i Ramës do të renditet si një nga mashtrimet më të mëdha që është bërë në këto 30 vite. Ju keni frikë nga populli. Nuk i dilni dot përballë që të zgjedhin ata.

Elisa Spiropali: E nderuar Rudina mbaj gojën në Kuvendin e Shqipërisë. Vëri fre vetes. Iu drejtove deputetëve të nderuar, më të shumtët në këtë sallë gra. Nuk të kanë asnjë borxh që i fyen për korrupsion dhe broçkullit këtu pa sens. Nuk të kemi asnjë borxh. Nëse maxhoranca mban përgjegjësi për listën tonë, mbaj dhe ti përgjegjësi zonjë e dashur për të gjithë dhe për anëtarët e familjes tënde biologjike dhe për anëtarët e familjes tënde politike nga ke dalë. Nëse do të flasësh këtu për lista dhe për zgjedhje, ti nuk je e votuar. Ti ke hyrë në Kuvendin e Shqipërisë si e votuar nga lista e PD-së. Dil në votim, provoje dhe pije detin Rudina. Hyji detit më këmbë! Ta shohim se ku do dalësh. Do dalësh matanë apo në breg të lumit. Ne nuk jemi këtu për të fyer njeri-tjetrin, për të bërë akuza populiste, për të thurur pretenca. Shko bëji në një vend tjetër ato nëse ke akuza. Jemi këtu për të diskutuar për rezolutën, për integrimit, për të cilën ti ke punuar. Unë u habita që nuk iu referove rezolutës në asnjë germë nga ato që the rezolutës. Është arritje që më 26 mars të 2020 KE ka votuar pro çeljes së negociatave. Roli i këtij Kuvendi ka qenë determinant. Betejat që ka bërë këtu për të kaluar disa nga reformat më të rëndësishme, mbi reformën në drejtësi…Ne kemi ngritur institucionet e reja të drejtësisë mbi ato të kalbura.

Do ishte në nderin e këtij Kuvendi të përmendje mbështetjen e partnerëve tanë.

Nuk është kjo dita e parë e diskutimit dhe nuk është ky diskutimi i parë. Kemi vite që tentojmë të ulim në tryezë një opozitë që ka dalë jashtë kufijve institucionalë. Shumë nga deputetët këtu janë produkt i kësaj çartallosje të kësaj opozite. Kaë hyrë në këtë kuvend me shumë dinjitet dhe kanë detyrat që i takojnë. Ne si maxhorancë duhet të ulim palët. Nëse këshilli politik shpesh herë është kthyer në një shaka publike se në vend të prodhojë zgjidhje, prodhon ngërçe, pengesa është detyrë e kuvendit të vijë këtu dhe të flasë për sisteme. Nuk ka sisteme në botë që e bëjnë minorancën maxhorancë. Nuk ka sistem që e kthen humbësin në fitues, nuk ka sistem që ndryshojnë demokracinë sa hap e mbyll sytë. Këto janë ëndrra por këtu duhet të japim zgjidhje. Propozimet e PS për ndryshime në Kodin zgjedhor janë të duhurat.

Angazhimi q do ketë ky Kuvend për të siguruar një dialog konstruktiv nuk ka munguar kurrë nga ana jonë. Vështirësitë që kemi hasur lidhen me atë nyjën gordiane, që është reforma në drejtësi. Reforma në drejtësi i ka ndezur gjakrat.

Ne nuk jemi këtu një tufë njerëzish që ju mund të na lëshoni gurë dhe baltë sa herë dilni në foltore. Përgjigjen do ta merrni siç e meritoni dhe kujdes me gjuhën. Ejani këtu, propozoni zgjidhje.

Hajdari: Është mashtrim i madh hapja e listave. Mos bie në nivelin e shefit tënd, të lexosh mesazhe nga shefi jot. Se unë po luftoj dhe për dinjitetin tënd në këtë kuvend që të vish me vota. Po të jap dinjitet Elisë, që të kesh lista të hapura dhe të mos rrish pas shefit tënd.

5 Comments

  1. Perplasje titanesh…
    E mor Drame sa poshte e cove Shqiperine. As serbi e greku me i poshter nuk do na kishte ulur ne kete nivel idiotesh, hajdutesh e te pafytyresh.

  2. Bythelepirja e Ramazonit nga spirua nuk ka shembull ne Shqiperi!
    Po kjo eshte dhe e shemtuar si femer ,te hyn frika ta shikosh .
    Njeri me karakter zero!
    🤮🤮🤮

Lini një Përgjigje

Adresa juaj email s’do të bëhet publike.

Kthehu