• |
ide | kryesore

PD: Rama-Veliaj, transferojnë çdo vit plot 11 milion euro në parajsat fiskale

Lajme, Të fundit

 


Kreu i FRPD, Belind Këlliçi dhe zëdhënësja e Partisë Demokratike, Ina Zhupa kanë qenë në Landfillin e Sharrës ku kanë kujtuar edhe njëherë humbjen e jetës së 17-vjeçarit Ardit Gjoklaj dhe mungesën e marrjes së përgjegjësisë për këtë ngjarje. Ata gjithashtu kanë akuzuar qeverinë për mungesë transparence dhe për shfrytëzim të landfillit, duke përfituar shuma të mëdha parash përmes tij.


“Jemi sot sërish këtu. Në një skenë krimi, në Landfillin e Sharrës. Aty ku 4 vite më parë humbi jetën i riu 17 vjeçar ardit Gjoklaj.

Një ngjarje kriminale kjo, për të cilën sot 4 vite më pas nuk ka ende asnjë të dyshuar, askush nuk ka mbajtur përgjgjësi dhe nuk ka tashmë qytetar shqiptar që nuk e di se si e mbylli Erion Veliaj procedurën gjyqsore dhe se cila është kompania që përfiton të gjithë tenderat në Bashkinë e Tiranës pas mbylljes të kësaj çështjeje.

Por sot në fakt kemi ardhur këtu për t’ju shpjeguar një skemë tërësisht kriminale. Skemën e mafies së plehrave, e cila është e ngritur nga Edi Rama, Erion Veliaj, Arben Ahmetaj, element të “Ndraghetës” dhe bandës së Lushnjës, dhe lidhet drejtëpërdrejtë me grumbullimin, transportin e plehrave, landfillin e Sharrës dhe inceneratorin e Tiranës.

Përmes kësaj skeme kriminale, Rama-Veliaj, transferojnë përmes sekserëve të tyre çdo vit plot 11 milion euro në parajsat fiskale. Çdo ditë në këtë landfill, në mënyrë të pakontrolluar, pa verifikime, me mungesë të plotë transparence, faturohen plotë 650 ton mbetje urbane ditore.

Edhe një herë, çdo ditë këtu faturohen 650 ton mbetje, duke i kthyer kështu kryeqytetasit, qytetarët e Tiranës, në konsumatorët më të mëdhenj se qytetarët francez apo qytetarët gjerman. Nga kjo skeme mafjoze, Rama-Veliaj përmes Mërtirit, marrin 25 milion euro për ton mbetje urbane të faturuara pa TVSH. Dhe sot që ne flasim, Rama-Veliaj përmes kësaj skeme mafjoze, kanë monopolin e plotë të dherave, të mbetjeve inerte, të mbetjeve industriale dhe tëmaterialeve ricikluese.

Skema mafioze e plehrave e menaxhuar dhe e ngritur nga Rama-Veliaj, Arben Ahmetaj, “Ndragheta” dhe banda e Lushnjës, i merr qytetarëve të Tiranës 11 milion euro në vit duke shtuar fiktivisht sasitë e mbetjeve në fatura. Por kjo skemë kriminale merr dhjetëra, miliona euro të tjera për shkak të pozitës që ka. Ky biznes sot, si monopol në tregun e vendit”, shprehet Këlliçi.

INA ZHUPA, ZËDHËNËSE E PD:

Shteti po bën gjithçka që t’i garantojë këto pozita monopol që i ka dhë të sekserit të vet Mirel Mërtiri fitimet më të mëdhaja të mundshme.

Shteti është vënë në dispozicion dhe ka krijuar mekanizma të tilla që çdo para të vijë dhe të mblidhet pikërisht në këtë landfill mbrapa nesh.

Konkretisht, nëse ti je një i varfër apo një anëtar i komunitetit rom, që nxjerr bukën e gojës duke mbledhur kanaçe nëpër vendet e grumbullimit të mbetjeve, policia të dënon, policia të diskriminon, policia të merr mjetet e tua të punës sepse këta duan që ricikluesit, kompanitë e riciklimit të jenë të detyruara që të vijnë të blejnë mallin dhe lëndën e parë vetëm në landfillin e Mirel Mërtirit, sekserit të Ramës, Ahmetajt dhe Veliajt.

Asnjë nuk do kalojë pa marrë dënimin e merrituar nga drejtësia. Treshja Rama-Ahmetaj- Veliaj, të cilët janë në krye të kësaj skeme kriminale mafioze, do të dalin para drejtësisë, në mos sot nesër.

Skema që qarkullon 400 milion euro për të pasuruar, nuk dihet se kush janë pronarët e vërtetë, kjo skemë është vënë e gjitha në shërbim të Ramës, Ahmetajt dhe Veliajt të cilët bëjnë çdo ditë genocid me qytetarët, me bizneset e këtij vendi për t’ju hequr kafshatën e gojës, ndërkohë që ata vetë pasurohen me paratë e taksave tona.

6 Comments

  1. Po te jete 11mil € ne vite eshte gënjeshtër po mose eshte 110 mil € dhe prap duket pak te 3 investimet Tiran .Elbasan .Fier vlera reale nuk e kap 1/3 e 400 mil €

  2. Po te jete 11mil € ne vite eshte gënjeshtër po mose eshte 110 mil € dhe prap duket pak te 3 investimet Tiran .Elbasan .Fier vlera reale nuk e kap 1/3 e 400 mil € më fali mbiemri. Esht glbaza

  3. Sa genjeni. per 11 miljon € ne vit behet fjale? haha na mbushet mendjen. jane shum shum me teper. kush jan pronaret e vertet?! ate duam te dim dhe ne. kush na ka blere 100 vjet me par.

  4. MIRE QE NA E THATE SE NUK E DINIM . HERE TJETER MOS VINI EMRA POR THONI , KURVAT POLITIKANE VJEDHIN SI PERBINDESHA KETE POPULL

  5. Edhe une them qe 11 milone jane pak. Ndoshta jane 110milione.
    A mund te na tregosh ndonje fakt qe dokumenton vjedhjen? Apo futja kot. Mos harro qe Balliu dhe Salinanji u denuan dhe e hongren xhallin. U dogjen pa e fillu mire karieren.

Lini një Përgjigje

Adresa juaj email s’do të bëhet publike.

Kthehu