Kisha Orthodhokse Autoqefale e Shqipërisë ka reaguar pas infektimit me Covid të kryepeshkopit Anastas Janullatos, i cili u dërgua për kurim në Greqi me avion ushtarak.
Në deklaratë, Kisha ndalet tek ajo çfarë tha Janullatos para nisjes për në Greqi. Kryepeshkopi ka treguar se çfarë simptoma ka pasur, ndërsa ka dhënë edhe mesazhin se “Edhe nëse rrojmë, edhe nëse vdesim të Zotit jemi”.
Reagimi Kishës Orthodhokse Autoqefale e Shqipërisë
Sikundër është e natyrshme, lajmi për infektimin nga Covid-19 i Fortlumturisë së Tij, Kryepiskopit të Tiranës, Durrësit dhe të Gjithë Shqipërisë, Anastasit, ka prekur zemrat e besimtarëve, të cilët i urojnë shërim sa më të shpejtë dhe luten për të. Gjithashtu, kjo tërhoqi vëmendjen e të gjitha mediave, që e pasqyruan si lajmin ashtu edhe fjalët e ndjera të Kryepiskopit.
Në lajme e komente është folur edhe për figurën e tij si hierark e shkencëtar dhe në veçanti duke theksuar veprën e jashtëzakonshme të ringritjes nga hiri i ateizmit të Kishës Orthodhokse Autoqefale të Shqipërisë, si kurora e gjithë jetës së Tij të gjatë në hierapostullim të popujve.
Kryepiskopi pak para largimit nga Tirana, për në Spitalin “Evangjelismos” të Athinës, tha midis të tjerash: “… Mendoj se të bëhesh pjesëmarrës, qoftë edhe në këtë mënyrë, në dhimbjen e përbashkët, është dhuratë Perëndie. Mos ta përballojmë gjithmonë si një gjë të vështirë. Janë disa simptoma të lehta. Dje vështirësia ishte më e madhe. Kam një farë dobësie me mushkëritë, prej shumë vitesh kam astma. Besoj se do ta kalojmë.
Dje isha me ethe, por sot jemi mirë. Sot në drekë, besoj pasdite, do të jem tek “Evangjelismos”… është një spital i njohur për mua, sepse kemi përballuar edhe herë të tjera vështirësi dhe i kapërcyem. Dhe mos u ligështoni, mos u mërzisni. Do të kalojë. “Edhe nëse rrojmë, edhe nëse vdesim të Zotit jemi”. Përbëjnë një ngushëllim të madh këto fjalë për të gjithë ne.”
Kryepiskopi ka marrë shumë urime për shërim të shpejtë nga besimtarë dhe personalitete të vendit tonë, si dhe nga primatë, hierarkë të Kishave dhe personalitete nga jashtë, ku veçojmë mesazhin e menjëhershëm të Patriarkut Ekumenik:
Fortlumturi dhe vëlla fort i dashur,
Lutjet tona ju shoqërojnë gjatë fluturimit Tuaj… dhe gjatë kurimit Tuaj aty, për të cilin urojmë të jetë afatshkurtër dhe rezultativ: sepse ju duam dhe sepse Kisha ju ka nevojë.
Urojmë të vazhdoni për shumë vite akoma kontributin Tuaj krijues dhe mirëbërës për Krishterimin dhe për njerëzimin, për lavdi të Perëndisë. Fortlumturi, të shkuara!
Ju përqafojmë me përshëndetje të shenjtë, Vëllazërisht më Zotin, Patriarku Vartholome.
Ne cilen gjuhe e tha qirio anastasi
Fjalen e mire ne çdo gjuhe ta thuash, fjale e mire mbetet!
Ashtu esht palikari
Po e kane pershendetur edhe primatet… jasas pedhimu.
Pse nuk u kurua ne Shqiperi si pjesa me e madhe e ketij populli te vuajtur?
A e duan realisht shqiptaret ortodokse kete peshkop? Abdi Baleta tregon per nje grua ortodokse nga shqiperia e mesme qe ne fillim te viteve 90′ pasi ndoqi meshen e tij te pare tha qe ne syte e tij pashe shikimin e djallit.
Ortodokset qe te jemi te sinqerte jane shume te ceket shpirterisht. Distojevski dhe Tolstoi jane gjigande qe deshtojne vetem kur pershkruajne spiritualitetin ortodoks. E pamundur te pershkruash dicka qe nuk ekziston edhe ne qofsh gjeni.