Ngjarja e rëndë që ndodhi në Bulqizë ka pësuar një sërë ndryshimesh përgjatë ditësh. Në fillim dolën dyshimet se nga pakujdesia, duke gjuajtur me armë gjahu çifte, Klodian Kola plagosi shokun e vet, Elidon Basha. Ky i fundit u paraqit në spitalin e Peshkopisë me shenja jete dhe më pas humbi jetën teksa transferohej për në Tiranë.
Megjithatë, shtetasi Klodian Kola nuk e ka pranuar vrasjen dhe është shprehur para grupit hetimor se Bashën e ka qëlluar një i tretë. Më pas e ka ndërruar versionin e tij duke thënë se 22-vjeçari qëlloi veten.