Antonio Conte komentoi humbjen ndaj Sampdorias, që i mohoi Inter marrjen e kreut në Serie A. “Ishte një ndeshje pak e çuditshme. Kaluam nga penalltia e gabuar në pësimin e dy golave – shpjegoi ai. Mendoj se ekipi po bën mirë: ata luajtën, krijuan. Ndonjëherë humb ndeshje si këto, të cilat nuk meriton ti humbasësh. Edhe në topin e kthyer pas penalltisë së gabuar, mund të kishim shënuar. Në pjesën e parë dominuam dhe pësuam dy gola. Sot Hyjnia fatsjellëse na harroi”.
Për mungesën e Lukakut nga minuta e parë, tekniku ka shpjeguar. “Unë mendoj se nuk ishte hera e parë që kemi luajtur pa Romelun. Ne i dimë shumë mirë cilësitë që ai ka, por nuk ishte 100% dhe kjo u tregua kur u u fut në fushë. Gjithsesi, më vjen keq, ne merituam diçka më shumë.”
Lojëra të shkëlqyera në dy humbjet, sipas trajnerit zikaltër. “Sinqerisht mendoj se faza jonë e sulmit është e shkëlqyer, ne sulmojmë me shumë njerëz, japim amplituda, duke përfshirë edhe mesfushorët. Këtë vit na ka munguar pak ekuilibri, veçanërisht në fillim”.