Kryetari i Partisë Demokratike të Shqipërisë Lulzim Basha, në një deklaratë për mediat, duke folur për pandeminë e koronavirusit, deklaroi se situata është shumë e rëndë.
Basha theksoi se për gjendjen nga Covid-19 ka vetëm një fajtor, e ai është Edi Rama. Lideri opozitar nënvizoi se shumica e shqiptarëve nuk e do më Ramën, prandaj ai është e shkuara.
“Ka një njeri përgjegjës pse situata ka shkuar këtu. Pozitiviteti në testime është në nivele rekord. Rama ka ndjekur një filozofi, që të fshehë të vërtetën. E vërteta nuk fshihet me propagandë.
Rama për shumicën dërrmuese të shqiptarëve është e shkuara. Shqiptarët do kenë një kryeministër, që paratë e tyre do të shkojnë tek ta, nuk do kenë kryeministrin si gogol, që gënjen e shpik. Pas 8 vitesh dështime, do të gënjejë”, tha Basha.