Në kohën kur në Shqipëri, ende nuk ka marrë përgjigje kërkesa e FSHF-së për të patur 30% të Air Albania me tifozë për ndeshjen kualifikuese të Botërorit Katar 2022 kundër Anglisë, një zgjidhje interesante vjen nga Rusia, për të rifilluar mbushjen e impianteve gjatë ndeshjeve: vaksina Sputnik V si një dhuratë për ata që blejnë biletën e ndeshjes. Iniciativa nisi nga Zenit Shën Petersburg, i cili përmes profileve të tij sociale njoftoi se “Vaksina Sputnik V do të jetë në dispozicion për të gjithë ata që janë të pranishëm në ndeshje, mbi moshën 18 vjeçare. Ju lutemi merrni me vete pasaportën dhe kartën tuaj shëndetësore, do t’ju kërkohet të ekzaminoheni nga një mjek për aprovimin e vaksinimit”.
The #SputnikV vaccination programme is well underway here at the Gazprom Arena
We'll be offering free vaccinations to supporters at everyone of our home games for the rest of this season! pic.twitter.com/AApj784mCN
— FC Zenit in English✨ (@fczenit_en) March 13, 2021
Një plan i vërtetë i vaksinimit të brendshëm që filloi të shtunën e 13 marsit, me rastin e ndeshjes së fituar 4-0 kundër Akhmat Grozny dhe do të vazhdojë për pjesën tjetër të sezonit. Në këtë mënyrë, Zenit do të kontribuojë gjithashtu në përshpejtimin e fushatës ruse të vaksinimit. Klubi për më tepër do të furnizojë të gjithë spektatorët me pajisje mbrojtëse personale, të cilat do të shpërndahen nga vullnetarët në hyrje ose brenda impiantit. Stadiumet në Rusi dezinfektohen një ditë para ndeshjeve.
#ЗенитАхмат: программа чистоты и вакцинация на «Газпром Арене», входы без ручной клади, транспорт, навигация и вакцинация.
Обо всем — подробно: https://t.co/xnAJXpbajC pic.twitter.com/fm3scvvTuD
— Газпром Арена (@gazprom_arena) March 11, 2021